ઝૂલો ઝૂલો હરિવર હિંડોળે, નીરખી રાખું નેણાની કોરે

 ઝૂલો ઝૂલો હરિવર હિંડોળે, નીરખી રાખું નેણાની કોરે...ટેક.
ઘણે ઘણે હેતે હું ઝુલાવું, હિંડોળા આગે ઊભી ગાઉં;
	જોઈ જોઈ તમને રાજી થાઉં...ઝૂલો૦ ૧
આવો ઘનશ્યામ રસીક છેલા, હિંડોળે ઝૂલો અલબેલા;
	ઝુલાવું હેતે રંગરેલા...ઝૂલો૦ ૧
રેશમદોરી કરમાં કાજુ લઈને, ઝુલાવું ખમા રે ખમા કહીને;
	જોવું મુખ વારણિયાં લઈને...ઝૂલો૦ ૩
સુંદર પાનબીડિયું બનાવી, આપું હરિ હેતે બોલાવી;
	આપો પ્રેમાનંદને ચાવી ચાવી...ઝૂલો૦ ૪