ઉરમાંહી વસી, સહજાનંદ સલુણી મૂર્ત્તિ માધુરી ૨/૪

 

ઉરમાંહી વસી, સહજાનંદ સલુણી મૂર્ત્તિ માધુરી;
થઇ નિઃશંક નિહાલ, લાલ છબી નિરખતાં મારી નજર ઠરી... ટેક૦
પગે ચમકા કરતી ચાખડી, છબી નટવર સુંદર હાથ છડી;
કરે ખ્યાલ અલૌકિક ઘડી ઘડી... ઉર૦ ૧
વ્હાલો જરકસના જામા પહેરી, ચાલે ચાલ ચમકતી ગજ કેરી;
તેણે લીધું મન મારું હેરી... ઉર૦ ૨
જે કોઇ એ સાથે પ્રીત કરે, તેના અંતરમાં જગ જાળ ન રહે;
તે ફેરા ભવમાં કેદી ન ફરે... ઉર૦ ૩
આવે અંગ આભૂષણ ઉલસિયો, કટિ જરક્સનો કસણો કસિયો;
વ્હાલો બ્રહ્માનંદને મન વસિયો... ઉર૦ ૪

મૂળ પદ

સુણ સાહેલી, સહજાનંદ સંગાથે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

ગાયક રાગ પ્રકાશક    
રેકોર્ડીંગ ગુણવત્તા ઓડિયો/વિડિયો લાઇવ /સ્ટુડિયો
   
કોઈ ઑડિયો / વીડિયો ઉપલબ્ધ નથી