મારા હૃદિયામાંય, રાત દિવસ એક રટના સહજાનંદની ૩/૪

મારા હૃદિયામાંય (૨) રાત દિવસ એક રટના સહજાનંદની;
	દૃગ આય વસી (૨) સુંદર શ્યામ સ્વરૂપ છબી જગવંદની...ટેક.
દિલ છૂટી આંટી ડગમગની, મેલી મરજાદા સર્વે જગની;
			મારી લાગી એ સાથે લગની...મારા૦ ૧
જે એ સાથે લગની લાવે, તેની જન્મ મરણ સંસૃતિ જાવે;
			ભાગ્ય બડા હોય તેને ભાવે...મારા૦ ૨
મેં તો ઓથ ગ્રહી અવિચળ એની, મુને આશ નહિ બીજા કેની;
			એ વિના બીજા કાંઈ છેની...મારા૦ ૩
એ વસ્તુ વેચાયે નહિ કોઈ હાટે, મિલે નહિ દીધાં દ્રવ્ય માટે;
			બ્રહ્માનંદ કહે એ તો શિર સાટે...મારા૦ ૪

 

મૂળ પદ

સુણ સાહેલી, સહજાનંદ સંગાથે મારે પ્રીતડી

મળતા રાગ

સોરઠ ઢાળ : મન મોહ ટળે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી