“સદ્ગુરુશ્રી ગોપાળાનંદ સ્વામીનો” મહીમા ત્થા
શ્રી ટોડલા મૂર્તિ પ્રતિષ્ટોત્સવ કાવ્ય
૬૯ ૧/૧ “હરિગીત છંદ” (૫૮)
અનુપ ઇડર દેશમાં પુર ટોડલા પ્રખ્યાત છે,
માધ્યંદીની શાખા અને ઔદીચ કુલ વિખ્યાત છે;
છે વેદપાઠી વિપ્ર તે, ખુશાલભટ્ટજી નામ છે,
સ્વામી ગોપાળાનંદજી, જન્મસ્થાન અક્ષરધામ છે .......... ૧
માતાજી જીવુબા અને, પિતાજી મોતીરામ છે,
વિક્રમ સંવત અઢારસો, સાણત્રીસો સુખ ધામ છે;
મહા સુદી આઠમ સોમવારે, જન્મ ટોડલા ગામ છે,
સ્વામી ગોપાળાનંદજી, જન્મસ્થાન અક્ષરધામ છે .......... ૨
ટોડલા ગામે પંચતિર્થો, દેવતીર્થ૧ નદી કહું,
મહાદેવ૨ અચલેશ્વર, રાધાકૃષ્ણનું૩ મંદિર લહું;
સ્વામી તણુ સંભારણું તે, મિષ્ટ૪ મહુડા નામ છે,
સ્વામી ગોપાળાનંદજી, જન્મસ્થાન અક્ષરધામ છે .......... ૩
ખુશાલ ભટ્ટના બાલમિત્ર, શામળાજી ભગવાન છે,
સૂવર્ણ કુંડલ ઝાંઝરી, ભુલ્યા રમણનું સ્થાન છે,
આકાશ વાણી ઉચ્ચરી (કે) ભુષણ ટોડલા ગામ છે,
સ્વામી ગોપાળાનંદજી, જન્મસ્થાન અક્ષરધામ છે .......... ૪
શ્રી પૂર્ણ પુરુષોત્તમ પધાર્યા ધામી અક્ષર ધામના,
અનંત કોટી મુક્ત સાથે, મુળ અક્ષર નામના,
ખુશાલ ભટ્ટજી જેહ તે, બ્રહ્માંડ કોટી ભૂપ છે,
સ્વામી ગોપાળાનંદજી, સાક્ષાત શ્રીજી સ્વરૂપ છે.......... ૫
શ્રીજી સ્વધામ પધારતાં, આજ્ઞા કરી ઉછરંગમાં
સ્વામી ગોપાળાનંદજી છે, મુખ્ય આ સત્સંગમાં
ત્યાગી ગૃહી આચાર્યથી, એ યોગીરાજ અનૂપ છે,
સ્વામી ગોપાળાનંદજી, સાક્ષાત શ્રીજી સ્વરૂપ છે.......... ૬
એ જન્મસ્થાને શિખર બંધ, મંદિર રચ્યું રળીયામણું,
ગોપાળલાલજી રાધિકા, હરિકૃષ્ણનું કોડામણું,
વિષ્ણુ પ્રતિષ્ટા યજ્ઞ આદી, વેદ વિધિ તદરૂપ છે,
સ્વામી ગોપાળાનંદજી, સાક્ષાત શ્રીજી સ્વરૂપ છે.......... ૭
શંકર, સતી, હનુમાનજી, ગણપતીજી પધરાવીયા,
ધ્વજ દંડ સાથે શોભતા, સૂવર્ણ કળશ ચડાવીયા;
શ્રી દેવ, ધર્મશાસ્ત્ર ને, સંતો સદા સુખરૂપ છે,
આચાર્ય બેઉ પધારીયા, સાક્ષાત શ્રીજી સ્વરૂપ છે.......... ૮
મહારાજ દેવેન્દ્રપ્રસાદજી, આરતી ઉતારતા,
જય સ્વામિનારાયણ તણી, સત્સંગીઓ ઉચ્ચરતા;
જમતાં જમણ પંક્તિ વિષે, હજારૂં નરને નાર છે.
સ્વામી ગોપાળાનંદનો, જગમધ્ય જય જય કાર છે.......... ૯
ટોડલા મૂર્તિ પ્રતિષ્ટોત્સવ કર્યો છે બહુ ખંતથી,
યજ્ઞ આદી કથા વાર્તા, સુણે છે સહુ સંતથી;
ત્યાગી ગૃહીની કમિટી, કવિ માવ પૂરણ પ્યાર છે,
સ્વામી ગોપાળાનંદનો, જગમાહી જય જય કાર છે.......... ૧૦
સંવત ૨૦૧૦ના વૈશાખ સુદી ૩ બુધવાર