પદ-૯……………………………૧/૨.
પદ રાગ ચંદ્રહાસનો.
“થયા છો રે પતિ તેજ પ્યારી તનના” એ રાગ
સખી જોને, હસી હળવે હરિવર ખાંત ધરી ખેલે. (ટેક)
પ્રેમવતીનો કર પકડીને, નાચે શ્રીઘનશામ;
પગ ઠમકે, ઘણી ઘમકે, ધરા ધમકે , જોઇ ચમકે,
સખી રુમઝુમ રુમઝુમ નેપુર વાગે, રસિયો રંગરેલે. સખી… (૧)
થન થન થન થન નાચ કરીને, ચિત્ત હરે ચિત્તચોર;
બોલે કાલું, લાગે વા'લું તે નિહાલું, દુઃખ ટાળુ,
સખી ધર્મકુંવરને નિરખી , રતિપતિ માન સર્વ મેલે. સખી… (૨)
ઝબલું ને ટોપી શિર શોભે, કંઠે મોતી માળ;
ખભે પટકો, મુખ મટકો, કર લટકો, ઉર અટકો;
સખી મુજ સામું મરમાળે નિરખી, છળ કીધુ છેલે. સખી. (૩)
સુંથણલી પહેરી સોનેરી, ભારે ભભકાદાર;
રૂડી નાડી, ન છુપાડી, છે અગાડી, જોઉ દા'ડી,
સખી ફર ફર ફર ફર ફર ફૂદડી ફરતાં, તનના પટ ફેલે.સખી (૪)
બાળલીલા કરીને બહુનામી, હૈડામાં હરખાય;
સુખદાતા, જુએ માતા, જગત્રાતા, મુખગાતા,
સખી પ્રાણ હરિ પરવશ કીધાં છે, અમને અલબેલે. સખી. (૫)
વિશ્વવિહારીલાલજી અમને, આપો સુખ અખંડ;
બહુકાળ એ દયાળ, જીવો બાળ, પ્રતિપાળ,
સખી શિશ નમાવી આશિષ દઇએ ભામનિ થઇ ભેળે સખી. (૬)