પદ- ૫૧ ………………૧/૧
સત્સંગતિ વિષે.
(રાગ ગજલ ઇંદ્રસભામાં ગવાતી ઢબની)
“ એ શું બોલો છો વિવેકી ભ્રાત ભર્થરી.” એ રાગ પ્રમાણે.
સત્પુરુષની સાથ જેને સ્નેહ થયો નથી;
ઉત્તમ ગુણ ક્યાંથી આવે, એ કહો કથી. (ટેક)
સંત હૃદયથી દયા, કદી જતી નથી;
દુષ્ટ હૃદયમાં કદીએ આવતી નથી. (૧)
સંત હૃદયથી ક્ષમા, કદી જતી નથી;
દુષ્ટ હૃદયમાં, કદીએ આવતી નથી. (૨)
સંત હૃદયથી , સુશિળતા જતી નથી;
દુષ્ટ હૃદયમાં કદીએ આવતી નથી. (૩)
સંત હૃદયથીજ, શાન્તિ તો જતી નથી;
દુષ્ટ હૃદયમાં, કદીએ આવતી નથી. (૪)
સંત હૃદયથીજ, સત્ય તો જતું નથી;
દુષ્ટ હૃદયમાં, કદીએ આવતુ નથી. (૫)
સંત હૃદયથીજ, ધર્મ તો જતો નથી;
દુષ્ટ હૃદયમાં, કદીએ આવતો નથી. (૬)
સંત હૃદયથીજ, ભક્તિ તો જતી નથી;
દુષ્ટ હૃદયમાં કદીએ આવતી નથી. (૭)
સંત હૃદયથીજ, જ્ઞાનતો જતું નથી;
દુષ્ટ હૃદયમાં કદીએ આવતું નથી. (૮)
સંત હૃદયથી, વૈરાગ તો જતો નથી;
દુષ્ટ હૃદયમાં, કદીએ આવતો નથી. (૯)
આ કહ્યો વિવેક છે, અનેક કામનો;
આદિ ભજો અંત તજો, સંગ તમામનો. (૧૦)
રઘુવીર સુત સુતનાં, આ વચન ધારજો;
દીનને દુઃખી દેખી, દુઃખથી ઉગારજો. (૧૧)