પદ – ૧૫૯ ……………૧/૧
(રાગ ભોજાભગતના ચાબખાનો)
હાંભળો ભગતપતિ ભગવાંન
કઉ છું અરજી ધરજો કાન; હાંભળો (ટેક)
મારા છેતરમાં ચિભડીનો વેલો, વાવ્યો'તો મારે કાજ;
ખાતર નાંછીને પાણી ટોયાથી, મોટો થયો મહારાજ હાંભળો (૧)
ઝાંખરા ઝેંટીને વાડ કરીતી, મુંઘો ગણીને માલ;
બકરાંના ડરથી હું બાપજી , રોજ કરતો રખવાળ હાંભળો (૨)
તાચી તાચીને જોતો તેમાં હું ફૂલ બેહવાને રોજ;
ફૂલ બેઠું મેં દીઠું ત્યારે તો કરવા લાજ્યો મોજ. હાંભળો (૩)
એકવાર બુનનાં દીચરાએ કીધું, ખાતાતા રોટલો ને શાકઃ
આ ચિભડીનું ચિભડું હું લઇશ, મેં મારી તેને લપડાક. હાંભળો (૪)
જે કોઇ ચિભડું માગે તો કહેતો હું, શીદને મને હંતાપો;
ખબર એવામાં મેં હાંભળીજે, વડતાલ આવ્યા છે બાપો. હાંભળો (૫)
કુણું માખણ જેવું ચિભડું મારું, તોડીને ચાલિયો વાટે;
ઘાટ થાય મનમેં હું ખઇ જઉ કે, લઇ જઉં બાપાને માટે. હાંભળો (૬)
પછીતો મેં મનસુબો કર્યો જે, આપણે તો નહીં ખાવું,
જરૂર આ મને જીવથી વા'લું, બાપા માટે લઇ જાવું. હાંભળો (૭)
શબરી બઇના બોર આરોજ્યા, એક ચિભડું આ ચાખો;
રાંક ગણીને વાંક ગણો નઇ, પગની પાહળ રાખો. હાંભળો (૮)
ભગત સદામે આપ્યાતા આપને , મુઠીક તાંદળ મેવા;
કંસન ઘર તેના કરી આપ્યાં, પછી સાપરું ન મળે રે'વા. હાંભળો (૯)
વાક્યો સુણી પગી પુત્રના એવા, હાસ્ય રસની હદ વાળી;
વિશ્વવિહારીલાલ તે રીઝ્યા , એના પાપ નાંખ્યાં પરજાળી. હાંભળો (૧૦)