કોઇ અરજી મારી આજ, જીવનને કહો જઇ;૪/૪

પદ – ૧૭૫ ………………૪/૪

 

કોઇ અરજી મારી આજ, જીવનને કહો જઇ;આપો દરશન દીનાનાથ, હવે હરિ બહુ થઇ. (ટેક)

જેમ પહેલાં બાંધી કોઇ પ્રીત, પછી તેને પરહરે;તેમ મૂકી ગયા મહારાજ, દયા નહીં દિલ ધરે. (૧)

આપી અંગે નહીં મને પાંખ, વિધાતાનો વાંક છે;નહીં તો હરિને મળત જરૂર, રાખ્યો મને રાંક છે. (૨)

મારી કાયાની બ્રહ્મા કેમ ? બનાવી ના મોજડીઃજઇને રહત હરિને હજુર, પ્રીતેથી પાયે પડી. (૩)

એમ તલફે દિવસ રાત, દિલે દિલગીર રહી;આંખે આંસુ વ્હે છે અપાર, ભોજન ભાવે નહીં. (૪)

ભગવતસુતના શામે એ વાત, જાણી ગઢપુરમાં,રાખ્યા સ્વામીને આણી સ્નેહ, શ્રી હરિએ હજુરમાં. (૫) 

મૂળ પદ

સ્નેહે વંદીને શ્રીઘનશામ, ગાઉં ગુણ સંતના;

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી