આપ પધાર્યા આસમે, હરખ્યો સકળ સમાજ;૧/૨

પદ-૧અ …………………….૧/૨

વસોમાં સંવત ૧૯૫૧ ના દ્વિતિય જેષ્ઠશુદી

પ્રતિપદાને દિવસે ધર્મધુરંધર આચાર્યેંદ્ર

શ્રી વિહારીલાલજી મહારાજ પધાર્યા તે

સમયે સંભળાવેલી કવિતા.

(દોહા)

આપ પધાર્યા આસમે, હરખ્યો સકળ સમાજ;

સત્સંગી જન સ્નેહથી , જય બોલે મહારાજ. (૧)

ગામ વસો શુભ આપથી, શોભ્યું આજ અપાર;

ઇન્દ્રે શું ઇન્દ્રાપુરી, ધરી પ્રુથ્વી મોઝાર.              (૨)

(પદ રાગ ધન્યાશ્રી)

ભલે પધાર્યા આજ, વિહારીજી, ભલે પધાર્યા આજ. (ટેક)

વિપ્ર વસોના , દવે ચતુર્ભુજ;

તેણે તેડ્યા શિરતાજ વિહારીજી.                        (૧)

“સત્સંગી જીવન, ” ગ્રંથપારાયણ;

જાણી પૂરણ તેનું કાજ. વિહારીજી.                     (૨)

સકળશાસ્ત્રો વેત્તાનો સાથે;

શોભે છે સંત સમાજ. વિહારીજી.                        (૩)

હરિજન નિરખી, આપને હરખ્યા;

ગુણનિધિ ગરીબનિવાજ. વિહારીજી.                 (૪)

આજ તમે અહો ! વૃષવંશીમાં;

મુગટમણી મહારાજ. વિહારીજી.                        (૫)

 

 

મૂળ પદ

આપ પધાર્યા આસમે, હરખ્યો સકળ સમાજ;

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી