જેણે ગણ્યો પોતામાં ગુણ, જાણ્યું હું પણ છઉં કોઇ કામનોરે ૭/૮

પદ-૭

 

જેણે ગણ્યો પોતામાં ગુણ, જાણ્યું હું પણ છઉં કોઇ કામનોરે,

ત્યારે કો'ને વાધ્યો કુણ, લેતાં આશરો સુંદર શ્યામનોરે. ૧ 

જ્યારે કદી દીનતા ત્યાગ, અંગે લીધો અહંકારનેરે,

ત્યારે મળ્યો માયાને લાગે, ખરો કરવા ખુવારનેરે. ૨

પછી પ્રભુ પામવા કાજ, જે જે કર્યું હતું આ જગમાંરે,

તેતો સર્વે ખોયો સાજ, પડ્યો ઠાઉકો જઇ ઠગમાંરે. ૩ 

એવા મૂરખની મીરાંત, એને અર્થે નથી આવતીરે,

કહે નિષ્કુળાનંદ વાત, હરિભક્તને મન ભાવતીરે. ૪ 

મૂળ પદ

માનો મળી છે મોટી વાત, હાથ આવી તે માં હારજ્યો રે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી