મુક્તાનાં સદસિ સદા વિરાજમાનં
પૂર્ણેન્દુ-પ્રવરમુખાબ્જ - પત્રનેત્રમ્ ।
મન્દાર - સ્થલરુહ - કુન્દસારહારં
ધર્માંગ - પ્રભવમહં હરિં પ્રપદ્યે ॥૧॥
અમ્ભોજ - ધ્વજકલશાં-કુશોર્ધ્વરેખા -
ગોપાદ-પ્રમુખસુલક્ષ્મ-પાદપદ્મમ્ ।
સામોદ - ભ્રમરવિગુંજિતા - વચૂલં
ધર્માંગ - પ્રભવમહં હરિં પ્રપદ્યે ॥૨॥
ભક્તેભ્યો વિહિતસબીજ-સાંખ્યયોગં
પ્રાવારપ્રચલિત-કંચુકાભિરામમ્ ।
શ્રીખંડ - પ્રવર - તમાલપત્ર - મીશં
ધર્માંગ - પ્રભવમહં હરિં પ્રપદ્યે ॥૩॥
વિદ્યોતન્મણિમય - હેમકુંડલ - શ્રી -
કર્ણાગ્રોત્તમ-કુસુમા-વતંસરમ્યમ્ ।
શ્રીવત્સોલ્લસિત-ભુજાન્તરં સદીશં
ધર્માંગ - પ્રભવમહં હરિં પ્રપદ્યે ॥૪॥
સંસાર - પ્રશમન - કારણ - પ્રતાપં
બિભ્રાણં સુરુચિર મૌક્તિકીંચ માલામ્ ।
હસ્તાગ્રે સુલલિત - માલિકાં દધાનં
ધર્માંગ - પ્રભવમહં હરિં પ્રપદ્યે ॥૫॥
શાન્તાનાં વિદલિત-માનમત્સરાણાં
કામાદિપ્રબલ-વિપક્ષનિર્જયાનામ્ ।
સાધૂના-મનિશ-મવેક્ષણીય - રૂપં
ધર્માંગ - પ્રભવમહં હરિં પ્રપદ્યે ॥૬॥
વેદાન્તૈ-રુદિત-સુકીર્તિ-માપ્તકામં
જુષ્ટાંઘ્રિં વિજિતવિદૂષણૈ ર્મુનિન્દ્રૈઃ ।
બ્રહ્માંડ - સ્થપતિ - સુરેશ્વરૈકનાથં
ધર્માંગ - પ્રભવમહં હરિં પ્રપદ્યે ॥૭॥
રમ્યાણાં વિમલ-સુવર્ણભૂષણાનાં
શ્રીમત્તામવયવ - શોભયા દધાનમ્ ।
ઘર્માન્ત-પ્રભવ-નવીન-મેઘનીલં
ધર્માંગ - પ્રભવમહં હરિં પ્રપદ્યે ॥૮॥