આવો રમીએ હોરી નવલ શ્યામ ધિંગાણાં સુંદર ધૂમ ધામ ૫/૬

 

આવો રમીએ હોરી નવલ શ્યામ, ધિંગાણાં સુંદર ધૂમ ધામ. આ૦ ટેક

કેસર ઘોળાવી કરીએ રંગ, અતિ અંતરમાં ભરીએ ઉમંગ ;

આવીને મચાવો ખૂબ ખેલ, રંગભીના ચલવો રંગ રેલ. આ૦ ૧

ખાખરી ફૂલિત વનમાં પલાશ, આવ્યો ફાગણ પૂરી કરો આશ ;

તમ સાથે રમવા ઘણા કોડ, હરિ હોરી રમીએ કરીયે હોડ. આ૦ ર

અમે જીતશું તો રાખશું તમને પાસ, તમે જીતોતો કરજો અમને દાસ ;

વળી સામાસામી કરીએ મેળ, ભરી ઝોળીને થાઇએ સેળભેળ. આ૦ ૩

અમે ઘેરી કરીશું તમને હાથ, મનમાન્યા ફગુવા લેશું નાથ ;

બ્રહ્માનંદ વહાલા ભીને વાન, કોડીલા પધારો રસિક કાન. આ૦ ૪

મૂળ પદ

અલબેલો ખેલત નવલ ફાગ

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી