પધારોને પધારોને સહજાનંદ પ્રાણ પ્યારા, અમે છીએ વિયોગી તમારા ૧/૧

પધારોને પધારોને સહજાનંદ પ્રાણ પ્યારા,
	અમે છીએ વિયોગી તમારા(૨)...ટેક.
કોલ દીધો છે અમને વાલા, આવશું મળવા તમને;
તે દિવસની રાહ જોઈએ છીએ, કેદી મળશો અમને;
	વાટડી જોઈએ છીએ તમારી, અમે તો એક જ ધારા...અમે૦ ૧
પત્ર લખીને પ્રેમ દેખાડો, છેટા રહીને સ્વામી;
તમે નથી આવતા એવી, શું છે અમમાં ખામી ?
	કહી બતાવો તો ટાળીએ વાલા, બાળક છીએ તમારાં...અમે૦ ૨
આવો આવો શું લલચાવો, આવું ન શોભે તમને;
પધારો પ્યારા હેત કરીને, રાજી કરો હરિ અમને;
	જેવું માગો તેવું દઈએ, પધારો પ્રાણ અમારા...અમે૦ ૩
રાજી છીએ રાજી એવું, રોજ કહો છો અમને;
રાજી હો તો દર્શન દેવા, આવોને કહીએ તમને;
	જ્ઞાનજીવન કહે રાજી થાશું, આવોને હૃદય અમારા...અમે૦ ૪

 

મૂળ પદ

પધારોને પધારોને સહજાનંદ પ્રાણ પ્યારા, અમે છીએ વિયોગી તમારા

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ વિડિયો	જ્ઞાનજીવનદાસજી સ્વામી-કુંડળ (ગાયક)	યમન કલ્યાણ	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	ફિલ્મી ઢાળ	વાલીડા	Studio	Audio & Video	0 0