પધારો પ્રાણથી પ્યારા, મારા સહજાનંદ સ્વામી ૧/૧

પધારો પ્રાણથી પ્યારા, મારા સહજાનંદ સ્વામી
	તમારી રાત દિ’ વાલા, રાહ જોઉં છું હે સ્વામી(૨)...ટેક.
રાત તો આ મને અતિ, લાંબી લાંબી લાગે પિયા,
દિવસે તો કશું કામ, નથી સૂઝતું મારા હૈયા;
	સદાયે છબી એક તારી, મને સાંભરે હે સ્વામી...પધારો૦ ૧
આ શય્યા તો તુજ વિના, મારા વાલમ છે નકામી,
તમે તો છો અતિ નિર્લેપ, મહાસુખકારી અકામી;
	તમારા પ્રેમ વિના વાલા, કેમ જિવાયે હે સ્વામી ?..પધારો૦ ૨
આવો ને આવો હે પ્યારા, આજ અમારે આંગણીએ,
દીનબંધુ દયા કરી, દોષો અમારા ના ગણીએ;
	તમારી જ્ઞાનસખી તલસે, તમારા પ્રેમમાં સ્વામી...પધારો૦ ૩

 

મૂળ પદ

પધારો પ્રાણથી પ્યારા, મારા સહજાનંદ સ્વામી

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)	શિવરંજની	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	ફિલ્મી ઢાળ	વાલા	Studio	Audio	0 0