આ સહજાનંદ સ્વામી, સર્વોપરી હરિ ૧/૧

આ સહજાનંદ સ્વામી, સર્વોપરી હરિ;
	આ અક્ષરધામના ધામી, માનો વાત ખરી...ટેક.
નૈણા કેરા તારા શ્રીજી, સૌના સરદાર છે;
જે જે પૂર્વે થયા તે તો, એના અવતાર છે;
	આ સર્વના છે કારણ, સર્વોપરી હરિ;
	આ મૂળમાયાના મારણ, માનો વાત ખરી...આ૦ ૧
આવ્યો નથી આવીશ ક્યાંથી, એવું બોલનાર છે;
આવ્યા પહેલી વારે એવા, શ્રીજી સર્વાધાર છે;
	આ સર્વના નિયંતા, સર્વોપરી હરિ;
	આ મોટા સુખના દાતા, માનો વાત ખરી...આ૦ ૨
સંતોના છે સ્વામી શ્રીજી, ભક્તોના ભરથાર છે;
જે જે થયું થાશે એના, પોતે કરનાર છે;
	આ મૂર્તિ રાખો ઉર, સર્વોપરી હરિ;
	તો દુ:ખડાં જાશે દૂર, માનો વાત ખરી...આ૦ ૩
સર્વોપરી જાણે એ તો, મહાભાગ્યવાન છે;
એવા સંતો ભક્તો ઉપર, શ્રીહરિને માન છે;
	આ જ્ઞાનજીવનના નાથ, સર્વોપરી હરિ;
	સદા રહે છે મારી સાથ, માનો વાત ખરી...આ૦ ૪

 

 

મૂળ પદ

આ સહજાનંદ સ્વામી, સર્વોપરી હરિ

મળતા રાગ

લવિંગની લાકડીએ રાઈવર

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ વિડિયો	જ્ઞાનજીવનદાસજી સ્વામી-કુંડળ (ગાયક)	કાફી	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-અતિ સારી	જ્ઞાનજીવનદાસજી સ્વામી-કુંડળ	મોર બોલે	Studio	Audio & Video	0 0