જોઈ તારા પગમાં રે હો તોડા,
થઈ ગયા શાંત મારા મન કેરા ઘોડા...જોઈ૦ ૧
શોભે છે રૂડાં રે હો ચરણ,
કરતાં ધ્યાન તેનું સુધરે મરણ...જોઈ૦ ૨
અક્ષરધામના રે હો ધણી,
ધન્ય ભાગ્ય મારાં મને તમારી ગણી...જોઈ૦ ૩
દર્શન નવલાં રે હો દીધાં,
ભેટી મને નાથ મારાં અંગ ઠારી દીધાં...જોઈ૦ ૪
મૂર્તિમાં મન મારું રે હો લીધું,
જ્ઞાનસખીને તમે સુખ બહુ દીધું...જોઈ૦ ૫
રચયિતા :
જ્ઞાનજીવનદાસજી સ્વામી-કુંડળ
ભાવ :
ધ્યાનના પદો
પુસ્તક :
કીર્તનમાળા-૩
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026