બેહેની શ્યામ સુંદર ભલે આવિયા, બેહેની શ્યામ સુંદર ભલે આવિયા ૪/૪

બેહેની શ્યામ સુંદર ભલે આવિયા, બેહેની શ્યામ સુંદર ભલે આવિયા ;

મારાં સરિયાં રે સર્વે પૂરણ કાજ, શ્યામ સુંદર ભલે આવિયા.

આવી બેઠા વહાલો મારે ઓરડે, આનંદની રે હેલી મારે આજ. શ્યા૦ ૧

મેં તો ફૂલડે તે છાંયો માંડવો, મોતીડે રે પુરાવ્યા છે ચોક. શ્યા૦ ર

છોગાંવાળે રંગીલે શ્યામળે, ગોકળિયું રે કીધું ગોલોક. શ્યા૦ ૩

રૂડાં ભોજન જમાડયાં ભાવતાં, મનગમતા રે દીધા મુખવાસ. શ્યા૦ ૪

પ્યારો પલંગ ઉપર પધરાવિયા, લઇ વીંઝણો રે ઉભી હું તો પાસ. શ્યા૦ પ

ભાવે કરીને ભૂધરજીનાં ભામણાં, મેં તો લીધાં રે મરજાદાને મેલ. શ્યા૦૬

બ્રહ્માનંદને વહાલે અલબેલડે, રંગભીને રે વાળી રંગની રેલ. શ્યા૦ ૭

મૂળ પદ

ચાલો જાઇએ વહાલાને વધાવવા

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	નિર્વેશ દવે		અજાણ (પ્રકાશક )		પરંપરાગત (સ્વરકાર)		Studio	Audio	0 0