સચ્ચિદાનંદ તું જા સુખરૂપે, માની વાત સત્ય મારી રે ૨/૪

સચ્ચિદાનંદ તું જા સુખરૂપે, માની વાત સત્ય મારી રે ;

ગોમતી તીરે કૌશલવાસી, વાટ જુએ છે તારી રે, ૧

એમ કહી અંતરધ્યાન થયા હરિ, અખિલબ્રહ્માંડના ઇશ રે

સચ્ચિદાનંદ ત્યાંથી ઉઠી ચાલ્યા, વચન ચઢાવી શિશ રે. ર

પોતાના ગુરુની કરુણાનું, મુનિવરે ફળ માની લીધું રે ;

કૌશલવાસી વિપ્રને કાજુ, દર્શન સુંદર દીધું રે. ૩

એક બીજાને ખબરુ પૂછી, કહ્યું ન કહ્યું વરતાંતરે ;

દ્વાદશી કેરાં પારણાં કીધાં, સૌએ મન થઇ શાંત રે. ૪

તે નિશિ રહી ત્યાંથી ઉઠી ચાલ્યા, દ્વારિકાના ગુણગાવે રે ;

બ્રહ્માનંદ કહે સૌને સ્વપ્નમાં, દેખાય હરિ સાથે આવે રે. પ

મૂળ પદ

સચ્‍ચિદાનંદના વચન સુણીને

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી