વહાલાજીની વાતુ જાણી રે, ઉધાજી ! અમે વહાલાજીની વાતુ જાણી ૪/૪

વહાલાજીની વાતુ જાણી રે, ઉધાજી ! અમે વહાલાજીની વાતુ જાણી. ટેક.

બળી જેવો જોદ્ધો બળિયો, છોકરાને વેશે છળિયો ;

કહો એ જેવો કુણ કળિયો રે. ઉધા૦ ૧

નારી વિના દુઃખ જોઇને, સુર્પનંખા આવી મોહીને ;

કાન નાક ગઇ ખોઇને રે. ઉધા૦ ર

વૃન્દાને છળીને બાળી, વેદની મરજાદા ટાળી ;

વૈધ્યો બાણે કરી વાળી રે. ઉધા૦ ૩

બ્રહ્માનંદ કહે દૈત્ય મારી, લાવ્યા ઘરે સીતા નારી ;

તેને કાઢી મૂકી બહારી રે. ઉધા૦ ૪

મૂળ પદ

કાનજી શું કહી મેલ્‍યું રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી