તારામય રહેવાય, તારા ગુણ ગવાય

તારામય રહેવાય, તારા ગુણ ગવાય;
         તારા વિના બીજો મને ઘાટ નવ થાય...ટેક.
તારી મૂર્તિમાં રસબસ રહું, તારા વિના બીજુ હું ના ચહું;
         સુખ તારું એક ગમે, રૂપ તારું એક ગમે,
         તુજ વિના ન રહેવાય...તારા૦ ૧
તમે કરોને મુજમાં આરામ, મારો થાઓને તુજમાં વિરામ;
         મારા મનમાં એવું ગમે, એકમેક હું ને તમે,
         મહા આનંદ લહેરાય...તારા૦ ૨
જ્ઞાનજીવન છે દાસી તમારી, મારા વાલમ લો હેતે સ્વીકારી;
         સ્ફૂરે તારું એક રૂપ, રહું તુંમાં તદરૂપ,
          બીજું કાંઈ ના દેખાય...તારા૦ ૩