કોડીલો ઝીલે રે છેલો કાનજી રે, નિર્મળ રૂડાં જમુના કેરાં નીર રે ૪/૪

કોડીલો ઝીલે રે છેલો કાનજી રે, નિર્મળ રૂડાં જમુના કેરાં નીર રે ;      

નિર્મલ ખેલે પાસ સખાની મંડળી રે, નિર્મળ નેણે હરે છે બળવીરરે.        કો૦ ૧

કાંઠેને ઉભી રે વ્રજની કામિની રે, ગાવે છે મધુરે સાદે ગીત રે ;  

હાથે તે ઉછાળે પાણી હેતમાં રે, પ્રેમી જનને વાઘે જોઇ જોઇ પ્રીતરે.         કો૦ ર

ઈંદ્રાદિક જોવાને કાજે આવીયા રે, છાઇ રહ્યાં આકાશે વિમાન રે ; 

ઉત્સાહ કરીને ગાવે અપછરારે, શંકર જોવા આવ્યા મેલીને ધ્યાન રે.       કો૦૩

શોભે છે ગોઠીડા કેરા સાથમાં રે, તારાના મંડળમાં જાણું ચંદ રે ; 

જળની લીલા જોઇને જાદવરાયની રે, બલિહારી જાય છે બ્રહ્માનંદરે.       કો૦ ૪

મૂળ પદ

ચાલો સૈયોં જાયે જમુનાકાંઠડે રે

રચયિતા

બ્રહ્માનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી