રૂમઝુમ કરતા વ્હાલોજી આવ્યા આજ અમારે આંગણે, ૧/૧

રૂમઝુમ કરતા વ્હાલોજી આવ્યા, આજ અમારે આંગણે,
દર્શન પામ્યા સુખડા જામ્યા, મોહ્યા રૂપ સોયામણે..ટેક.
હૈયે ભાવ્યા ફૂલડે વધાવ્યા, ભલે અમારે આંગણ આવ્યા,
અમે અતિશે ફાવ્યા રે ફાવ્યા, અક્ષરધામનો ધામી આવ્યા,
રૂમઝુમ કરતા૦ ૧
સુંદર શણગાર સજયા છે નાથે, સંતો-ભકતો લાવ્યા છે સાથે,
હેતે મુકયા છે હાથ બે માથે, સુખીયા કીધા ભીડીને બાથે,
રૂમઝુમ કરતા૦ ૨
અહો અહો વ્હાલો અતિશે રીજયા, હેતે અમારા નૈણા ભીંજયા,
પ્રેમથી પુજી અંતર ઠરીયા, જોઇ રહ્યાં સહુ હરિ હેત ભરીયા,
રૂમઝુમ કરતા૦ ૩
દૂધધારાએ ચરણ ધોયા, ચરણે સોળે ચિહ્નો જોયા,
જ્ઞાનજીવન એ મૂર્તિ ધારી, હૈયામાં હેતે રાખી સંભારી,
રૂમઝુમ કરતા૦ ૪

મૂળ પદ

રૂમઝુમ કરતા વ્હાલોજી આવ્યા

મળતા રાગ

સરરર સરરર હોડી ચાલે

રચયિતા

જ્ઞાનજીવનદાસજી સ્વામી-કુંડળ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)		સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮		જ્ઞાનજીવનદાસજી સ્વામી-કુંડળ (સ્વરકાર)	કીર્તન કુંભ ભાગ-૩	Studio	Audio	0 0