નમું પ્રેમવતીના પ્યારા, જય જીવન જગદાધારા ૧/૨

નમું પ્રેમવતીના પ્યારા, જય જીવન જગદાધારા	...ટેક.
અતિ અકળ ગતિ છે તમારી, ત્યાં મતિ નહિ પહોંચે અમારી રે;
	અમે સેવીએ ચરણ તમારાં		...જય જીવન૦ ૧
પ્રભુ પૌઢ તમારો પ્રતાપ, છો આપ અપાર અમાપ રે;
	સઘળી સૃષ્ટિ સૃજનારા		...જય જીવન૦ ૨
માયા આદિક શક્તિ તમારી, જે છે જીવને બંધનકારી રે;
	તેના પ્રેરક તે થકી ન્યારા		...જય જીવન૦ ૩
છો કાળના કાળ કૃપાળ, શરણાગત જન પ્રતિપાળ રે;
	કોટી કારજના કરનારા		...જય જીવન૦ ૪
થાકે વેદ વર્ણવી અનુપ, એવું દિવ્ય તમારું સ્વરૂપ રે;
	તેને જાણે શું જીવ બિચારા		...જય જીવન૦ ૫
તમે ભૂ પર ધરી અવતાર, કર્યો વેદ ધરમ વિસ્તાર રે;
	માર્યા અસુર દુ:ખ દેનારા		...જય જીવન૦ ૬
કાઠી કોળી જે ક્રૂર અપાર, કર્યો ઉદ્ધાર એનો આ વાર રે;
	એવા છો તમે અધમ ઉદ્ધારા		...જય જીવન૦ ૭
આણી અંતર કરુણા આજ, મળ્યા અમને શ્રીમહારાજ રે;
	દીનબંધુ ધર્મદુલારા			...જય જીવન૦ ૮
જય જય જય વિશ્વવિહારી, અવતારતણા અવતારી રે;
	છો ઇષ્ટ અભિષ્ટ અમારા		...જય જીવન૦ ૯

 

મૂળ પદ

નમું પ્રેમવતીના પ્યારા, જય જીવન જગદાધારા

મળતા રાગ

ઢાળ : સખી વાત વીતી કહું મારી

રચયિતા

વિહારીલાલજી મહારાજ

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
આખું ડાઉનલોડ	જ્ઞાનજીવનદાસજી સ્વામી-કુંડળ (ગાયક)	ખમાજ	શ્રી સ્વામિનારાયણ મંદિર. કુંડળ.તા. બરવાળા જી .અમદાવાદ.ફોન.૦૨૭૧૧ ૨૯૧૨૯૧ ગુજરાત. INDIA શ્રી સ્વામિનારાયણ મંદિર.કારેલીબાગ વડોદરા ગુજરાત. INDIA ફોન.૦૨૬૫ ૨૪૬૨૬૨૮	રેકોર્ડીંગ ગુણવત્તા-ખૂબ સારી	આ.વિહારીલાલજી મહારાજ	ભક્તિ રસ	Studio	Audio	6 1