સુંણજો રીતી સતસંગીની , કહું સમઝી વિચારીજી ;
જે જન પાલે જક્તમાં, તરે ભવજલ ભારીજી. સુણો ૧
સતસંગ સંગ તે સંતનો , પ્રભુ પ્રગટ ઉપાસીજી.
વ્યસન વિષય વાલુ નહિ, દિલ જગથી ઉદાસીજી સુણો ૨
એવાં લક્ષણ જૂત ઓળખી, પ્રીતે જાઇને પાસજી;
જ્ઞાન વાત સુણી શ્રવણે, હૈયે થાય હુલાસજી, સુણો ૩
નકી નિશ્વે કરી નાથનો , નીમ ધારે તે હાથજી ;
પાંચ પાલે વ્રત્તમાનને , કુલ કરવા સનાથજી. સુણો ૪
દારૂ માટી ચોરી ના કરે, કરે નાંહિ છિનાલીજી;
વટલાવે વટલે નહી; આશા અસતની ટાલીજી. સુણો ૫
પાંચ પાલે વ્રતમાનને, મોટા સત્સંગ માંઇજી,
એ આદિક અગ્યાર છે, બીજા કહું સમઝાઇ જી સુણો ૬
હિંસા કરે નહીં જીવની, જાણીને હરિજનજી;
કલંક ચઢાવે ન કોઇને , નીમ રાખી ને મનજી. સુણો ૭
નીંદત નહીં કોઇ દેવને, અડે વિધવા ન અંગજી;
આતમઘાતને ના કરે, તજે વિમુખ પ્રસંગજી. સુણો ૮
વિમુખના મુખની વદી, કથા સુણે ન કાનજી;
દશ એક નીમ કહ્યા કથી, જાણો જાણ સુજાણજી. સુણો ૯
અગ્યાર નીમ પાલે વળી, તજે વ્યસન તમામજી;
હોકા ગાંજા ભાંગ ન પીયે, ખોટા જાણી નકામજી સુણો ૧૦
તમાકુ ચાવે તાણે નહીં , કેદી અફીણ ન પીયેજી ;
માઝમ આદિક કેફથી, બહુ મનમાંઇ બીયેજી. સુણો ૧૧
ભાંડ ભવાઇ ભાલે નહી, ભાવ ભરીને ભક્તજી ;
સાચા જાણી ભજે શ્રીહરી, જુઠું જાણીને જક્તજી . સુણો ૧૨
શૌચ તે રાખે શરીરને , નાઇ ધોઇ નેદાનજી;
પૂજા કરે અતિ પ્રેમથી, પટમૂર્તિ પ્રમાણ જી સુણો ૧૩
નાઇ ધોઇ પૂજા કરી, કરે કામ વેવારજી;
સંભારી ઉરમાં સામને, હરિજન નરનારજી. સુણો ૧૪
આખો દિવસ ઘરકામને, કરે પ્રભુને સંભારીજી;
સાંજ પડે સત્સંગમાં, જાય સો નરનારીજી. સુણો ૧૫
નિજ નિજ ગામમાં નાથનું, હોય મંદિર સારજી;
દર્શન કરવા જાય ત્યાં, મુઠી લઇ નરનારજી. સુણો ૧૬
એકાદશી જન્માષ્ટમી, રામ નોમને જાણીજી;
વ્રત કરે નાર વિનતા, પ્રભુ ચરિત્ર વખાણીજી. સુણો ૧૭
સાર ધાર સતસંગમાં, એવા નેમને પાલે જી;
કાઇક વાચિક માનસિક, પાપ સર્વેને બાલેજી. સુણો ૧૮
જ્યાંથી થયો સત્સંગ તે , ત્યાંથી એ રીતે જાણોજી;
ભજો પ્રગટ ભગવાનને, સાર ધાર પ્રમાણોજી. સુણો ૧૯
જ્યારે આવે સમો અંતનો, એમ પાલતાં નીતિજી;
તારે પ્રભુ આવે તેડવા, સત્સંગની રીતીજી. સુણો ૨૦
રથ વેમાન ગજ પાલખી, લૈ ગરૂડને આવેજી;
દયાળુ તેડવા દાસને, સાથે સંતને લાવેજી; સુણો ૨૧
પોતે આવે વા સંતને, મોકલે ભક્ત પાસેજી;
તેડવા કારણ તે સમે, હેત કરી હુલાસેજી. સુણો ૨૨
માખણમાંથી મુવાળાને, જેમ કાઢી લે જનજી.
તેમ કાઢે નિજ ભક્તને, ભાવેથી ભગવંતજી. સુણો ૨૩
પ્રારબ્ધનું જે કષ્ટ છે, તેને ભોગવે દેહજી;
જીવમાં સુખ પામે જંત તે, રખે કરતા સંદેહજી. સુણો ૨૪
કાયામાંથી જીવ કાઢીને, દિવ્ય દેહ દયાલ જી;
આપી પોતાના દાસને , તેડી જાય કૃપાલજી. સુણો ૨૫
દેવ આવે સહુ દેખવા, ભેટું લઇ ભારી ભાવેજી;
પૂજા કરે હરિજનની ગુણ મુખથી ગાવેજી. સુણો ૨૬
ધન ધન ભાઇ તમે ધરી, ભરતખંડમાં દેહજી;
ભજી પ્રગટ ભગવાનને, સુખ પામ્યા અછેહ જી. સુણો ૨૭
એમ સ્તુતિ નિજ સાંભળી, જાય ધામમાં જાણોજી;
અક્ષર ગોલોક નામ છે, સુખ અધિક પ્રમાણોજી. સુણો ૨૮
દિવ્ય કીશોર સદા દેહ છે, ભોગ અનંત અપારજી;
ભોગવે ભક્ત ભગવાનના, પ્રીત્યે કરીને પ્યારજી. સુણો ૨૯
સુખ સુખ સુખ અતિ ઘણું , નાંહિ દુઃખ લવલેશજી;
કાળ માયાનો ત્યાં કણે, નથી મનમાં કલેશજી; સુણો ૩૦
અનંત બ્રહ્માંડની વાર્તા, ત્યાં રયો તે જાણેજી ;
ડરી નહીં કેનો દિલમાં , મહાસુખને માણેજી સુણો ૩૧
સદા સ્વતંત્ર ગતિ કરે, મનવાંછિત ભોગજી;
સમીપ રહે ઘનશ્યામની, વપુ સદા નીરોગજી. સુણો ૩૨
દિવ્ય સિંઘાસન ઉપરે, રાજે રાજાધીરાજજી;
પુરુષોત્તમ પરમાત્મા, મુક્ત જુક્ત મારાજજી. સુણો ૩૩
નિજ ઇરછાએ નાથજી , જ્યારે ધરે શરીરજી;
ભ્રતખંડ મહી ભાવથી, ધર્મ સ્થાપવા ધીરજી. સુણો ૩૪
ભેગો લાવે આવે ભક્ત તે, મુક્ત થૈને મહંતજી;
સદા સેવે મારાજને, કરે લીલા અનંતજી. સુણો ૩૫
એમ ભેલો રહે શામની, ભક્ત થઇ ભલી પેર્યજી;
ભટકે નહીં ભવપંથ માં, સુખસિંધુની લેર્યજી. સુણો ૩૬
માઇક સુખ તજી જે ભજ્યા, પ્રભુ પ્રગટને પ્રીતેજી;
તેની રીતી કહી વરણવી, રસમય રૂડી રીતેજી. સુણો ૩૭
ભક્ત વાસનિક હોય જે, દેવલોકને પામેજી;
ભોગ ભોગવે તે ભાવથી, વાસના દુર વામેજી. સુણો ૩૮
પછે પામે ધામ શામનું , નિરમલ નર નારીજી;
વર્ણવી સર્વે વાર્તા, રીત શાસ્ત્રાનુસારીજી. સુણો ૩૯
અવધ ગુરુના પ્રતાપથી, કવિ અવિનાશાનંદજી;
સત્સંગ ફળપ્રાસી કહી, સરવે સુખકંદ સુણો ૪૦