મારા પ્રાણ તણા આધાર, હો વાલા વધારો લાજ;૪/૪

પદ-૪

પદ ૩૬

મારા પ્રાણ તણા આધાર, હો વાલા વધારો લાજ;

હો વાલા વધારો લાજરે.મારા પ્રાણ તણા આધાર હો વાલા.ટેક.

શિશુ હત્યારી પુતના નારી, ચુશી લીધા તેના પ્રાણ;

માતા સમોવડ મુક્તિ આપી, ભક્તો તણા તમે ભાણ.હો વાલા.૧

કૌરવ સભામાં કૃષ્ણ પધાર્યા, ગરૂડ ચડી ગુણ જાણ;

પંચાળીનાં તમે પટકુળ પૂર્યા, સુંદર સુખની ખાણ.હો વાલા.૨

સીતાની સારુ સાગર ઉપર, પ્રીતમ બાંધી પાજ;

રાવણ માર્યો ને સીતાવાળી, અયોધ્યા પધાર્યા રાજ.હો વાલા.૩

રાધા રમાપતિ રાજીવલોચન, ભક્તવત્સલ ભગવાન;

નારણદાસના નાથ પધારો, કેશવ કૃપાનિધાન.હો વાલા.૪

મૂળ પદ

સુખ આપો સહજાનંદજી હો, જાણી પોતાનો દાસ;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી