શ્રીજી મહારાજ સદા સુખરાશી અક્ષરધામના વાસી૩/૪

પદ-૩/૪

પદ-૧૨૩

શ્રીજી મહારાજ સદા સુખરાશી અક્ષરધામના વાસી.શ્રીજી.ટેક.

કોટિક શક્તિ કરે જેની ભક્તિ, રિદ્ધિ સિદ્ધિ જેની દાસી;

અજ હર મુનિવર ધ્યાન ધરે, યોગી યતિને સન્યાસી.શ્રીજી.૧

સનક જનક જેની સેવા સજે છે, પૂરણ પ્રેમ પ્રકાશી;

શારદ નારદ શુકજી સમરે, અંતર થઇને હુલાશી.શ્રીજી.૨

કળિમળ કાપક સદ્ધર્મ સ્થાપક, અવનિ પરે અવિનાશી;

વૃષકુળચંદ આનંદની મૂર્તિ, ચરણમાં કોટિક કાશી.શ્રીજી.૩

કાળીદત્ત કપટીના કાળ દયાળુ, પ્રેમીના પૂરણ પ્યાસી;

નારણદાસ કહે કરજોડી, અગણિત વિશ્વ વિલાસી.શ્રીજી.૪

મૂળ પદ

પ્રગટ વિના ભવનો પાર ન આવે;વેદ ગીતા એમ ગાવે.પ્રગટ.

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી