જેને જ્ઞાન નથી ઘટમાંય, તેનું કલ્યાણ તે કેમ થાય.૧/૨

પદ-૧/૨ (રાગ :વણઝારો)

પદ-૧૩૪

 

જેને જ્ઞાન નથી ઘટમાંય, તેનું કલ્યાણ તે કેમ થાય. ટેક

સત્યાસત્ય વિવેક વિચાર, નથી જાણતા સાર અસાર રે;

એવા મૂઢ મતિ જગમાંય. તેનું.૧

નથી ધર્મ એકાંતિક પાળ્યો, નથી કામ શત્રુને બાળ્યોરે;

નથી રાજી કર્યા વ્રજરાય. તેનું.૨

નથી એકાદશી વ્રત કીધું, નથી સુપાત્રને દાન દીધું રે;

નહિ તીરથમાં જઇ નહાય. તેનું.૩

નથી જાણ્યા ખરા જગદીશ, નથી ઓળખ્યા અક્ષરઇશ રે;

જેથી શિક્ષાપત્રી ન પળાય. તેનું.૪

નથી ભજ્યા પ્રગટ ભગવાન, નથી તજ્યું દેહાદિક માન રે;

નથી સેવ્યા પ્રભુના પાય. તેનું.૫

નથી સંત સમાગમ કીધો, નથી હેતે હરિરસ પીધોરે;

એમ દાસ નારાયણ ગાય. તેનું.૬ 

મૂળ પદ

જેને જ્ઞાન નથી ઘટમાંય, તેનું કલ્યાણ તે કેમ થાય.

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી