અક્ષરના વાસીરે અવની આવ્યાછે;૧/૫

 પદ-૧/૫ (રાગ :ગોકુલથી ગીરધરરે મથુરા જઇને રહેતા)

પદ-૩૬૭

અક્ષરના વાસીરે અવની આવ્યાછે;

            અક્ષરના મુક્તોરે સાથે લાવ્યા છે.        ૧

ભકતોને ભુધરરે મનમાં ભાવ્યા છે;

            માયામાં બળતારે જીવ બચાવ્યા છે.    ૨

બહુ દયા કરીરે દર્શન દીધાં છે;

            નરનારી સૌનેરે પાવન કીધાં છે.          ૩

સુખડાં સાધુનેરે અવિચળ આપ્યાં છે;

            નારાયણદાસનાં રે દુઃખડાં કાપ્યાં છે.   ૪

 

મૂળ પદ

અક્ષરના વાસીરે અવની આવ્યાછે;

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી