પદ ૧/૧ ૭૧૪ રાગ : ધોળ
અલૌકિક આદિત ઉદીયા રે, સહજાનંદ સ્વામી,
પતિતને પાવન કરવા રે, પ્રગટ્યા બહુનામી. ૧
સોમ થકી ઘણું સીળા રે, કરુણારસ ધારી,
પ્રગટ્યા અવની પર રે, તારવા નર નારી. ર
જન મન કુમુદ વિકસ્યા રે, પુરુષોત્તમ પોતે,
કોટિ કર્મને ટાળે રે, નયણા ભરી જોતે. ૩
બુધ થઇ બોધ પ્રકાશે રે, આપે અવતારી,
મૂઢ મલીન જન તાર્યા રે, અગણીત નર નારી. ૪
ગુરુજીના ચરણ ઉપાસે રે, હરિહર અજ જેવા,
બ્રહ્મરુપ મુનિ મોટા રે, કરે સદ્ગુણ સેવા. પ
શુકર શ્વાન ખર જેવા રે, જેને ચરણે રહે આવી,
બ્રહ્મરુપ થયા ભવમાં રે, ગોવિંદ ગુણ ગાવી. ૬
શનિશ્વર ગ્રહ સમ સહુને રે, મન મહા દુઃખકારી,
તેને તે વશ કરી રાખે રે, વચનાંકુશ મારી, ૭
અક્ષરપદ અવિનાશી રે, જેનું ધામ કહાવે.
મુક્તાનંદ તે ગુરુના રે, નિશદિન ગુણ ગાવે. ૮