સ્નેહભર્યા નયને નિહાળતાં હો

સ્નેહભર્યા નયને નિહાળતાં હો, વંદન આનંદ ઘનશ્યામને;
અમીમય દૃષ્ટિએ નિહાળતાં હો, વંદન આનંદ ઘનશ્યામને...ટેક
          છપૈયાપુરમાં વાલો આપે પ્રગટ થયા;
          ધર્મભક્તિને ઘેર આનંદ ઉત્સવ થયા;
                    સંતોને આનંદ ઉપજાવતાં હો...વંદન૦ ૧
          બાળ ચરિત્ર કરી આપે વન વિચર્યા;
          તીર્થોમાંહી ફરી જીવો પાવન કર્યા;
                    નીલકંઠ નામ ધરાવતાં હો...વંદન૦ ૨
          વલ્કલ વસ્ત્ર ધરી પુલહાશ્રમે રહ્યાં;
          બ્રહ્મરૂપ તેજ કરી મોટા જોગી થયા;
                    નિજ સ્વરૂપ સમજાવતાં હો...વંદન૦ ૩
          લોજપુર ધામ રહી સર્જુદાસ કા’વિયા;
          સર્વોપરી જ્ઞાન કહી સંતોને રિઝાવિયા;
                    મુક્તાનંદ પ્રેમ થકી પૂજતાં હો...વંદન૦ ૪