કાયા તારી જાશે ધૂળમાં રોળાશે

કાયા તારી જાશે ધૂળમાં રોળાશે,
          ભજન ધ્યાન કરી લે નહિ તો સમય વહી જાશે...ટેક.
દેહ તો મહાદુ:ખ દેશે ને, પડશે ભૂંડી રીતે,
પ્રભુ સાથે પ્રીતિ કરી લે(૨) આતમરાજ તો જીતે;
         પળમાં શરીર જાશે, હતું નો’તું થઈ જાશે...કાયા૦ ૧
શરીર સમય સાનુકુળે તું, હરિના ગુણલા ગા,
વિપરીત કાળે કાંઈ નહિ થાય(૨)આજથી સમજી જા;
         કાલ જાણે કેવી થાશે, એની રાખો કેમ આશે...કાયા૦ ૨ 
જ્ઞાનજીવન હરિ મૂર્તિમાં તું, પ્રેમથી બૂડી જા,
વાલમ તને રાખશે પ્રેમે(૨) હાલને સુખિયો થા;
         અવસર આવો જાશે, પછી તું પસ્તાશે...કાયા૦ ૩