મારા પ્યારા જીવન, તમે રહેજો પ્રસન્ન

મારા પ્યારા જીવન, તમે રહેજો પ્રસન્ન,
                                   બીજું કાંઈ નથી મારે જોઈતું...ટેક.
આવ્યો નાથજી તમારે દ્વારે, મને બોલાવજો પ્રભુ પ્યારે,
           જાણી તમારો નાથ, જાલી રાખો મારો હાથ...બીજું૦ ૧
છોડયો તમારે માટે સંસાર, વ્હાલા આપજો તમારો પ્યાર,
           મારું સર્વસ્વ નાથ, સદા રહેજો મારી સાથ...બીજું૦ ૨
હું તો માગું છું તમારો પ્રેમ, મને નિભાવજો વ્હાલા જેમતેમ,
           પાળું તમારા વચન, રાખું મૂરતિમાં મન...બીજું૦ ૩
જ્ઞાનજીવનને આધાર તમારો, દયા કરીને પ્રેમે પધારો,
           રહે તમારું દર્શન, રહે તમારું મનન...બીજું૦ ૪