વાસના વિદારક મારા, ધામના ધામી;
મોહ વિનાશક મારા, નામના નામી...૧
અજ્ઞાન નાશક મારા, ધામના ધામી;
જ્ઞાન પ્રકાશક મારા, નામના નામી...૨
સદ્ધર્મના કારક મારા, ધામના ધામી;
ભક્તિના પ્રચારક મારા, નામના નામી...૩
નિજદાન દાયક મારા, ધામના ધામી;
મહાસુખ દાયક મારા, નામના નામી...૪
નિજમૂર્તિ દાયક મારા, ધામના ધામી;
ભીતિવિનાશક મારા, નામના નામી...૫
નિર્ભયના કારક મારા, ધામના ધામી;
ભવભીતિ નાશક મારા, નામના નામી...૬
કારણદેહ નાશક મારા, ધામના ધામી;
કોટિ અંડ શાસક મારા, નામના નામી...૭
સર્વેનું કારણ મારા, ધામના ધામી;
ભવદુ:ખ તારણ મારા, નામના નામી...૮
સર્વજન સુખદ મારા, ધામના ધામી;
ભક્તજન દર્શદ મારા, નામના નામી...૯
જ્ઞાનજીવન કહે મારા, ધામના ધામી;
સર્વ જીવમાં રહે મારા, નામના નામી...૧૦
તા.૨૭/૧૨/૨૦૧૭, કુંડળધામ