ધન ધન આજની રજની, જશોદાને પુત્ર થયો સજની. ટેક.
ટોડે ટોડે તોરણિયાં છાજે, ઘેરે સ્વર ત્રંબાળુ ગાજે ;
સખી જોને નંદને દરવાજે.ધન૦૧
કાદવ દહીં દૂધતણાં કરીયા, ગોપીજન આનંદથી ભરીયા ;
વહાલો જોઇ લોચનિયાં ઠરીયાં.ધન૦ર
ભાવે મુખ ભૂધરનું ભાળી, વધાવે સુંદર મહી વાળી ;
મોતી ભરી કાંચનની થાળી.ધન૦૩
કોઇની સૂધ નહીં કોઇને, રહ્યાં છે મન સહુના મોહીને ;
બ્રહ્માનંદનો વહાલો જોઇને.ધન૦૪
રચયિતા :
બ્રહ્માનંદ સ્વામી
પ્રસંગ :
જન્મ, જયંતી, વદ, કૃષ્ણપક્ષ, શ્રાવણ, આઠમ, અષ્ટમી
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026