શેષ ને શારદા રે હો ગોતે, મળ્યા પૂરણ પુરુષોત્તમ પોતે

શેષ ને શારદા રે હો ગોતે, મળ્યા પૂરણ પુરુષોત્તમ પોતે; 
         તન ધરણી પર રે હો ધારી, સર્વે અવતારના અવતારી...૧
સુખ સેવકને રે હો આપ્યું, જનમ મરણનું સંકટ કાપ્યું;
         કલ્યાણ કીધું રે હો સોંઘું, મોટા મુનિવર કહેતા જે મોંઘું...૨ 
નામ નારાયણ રે હો લેતા, ભવમાં જીવ થયા બ્રહ્મવેતા; 
         ડર એથી પામે રે હો દેવી, સમરથ થયા ચરણપદ સેવી...૩ 
મળ્યું બળિયાને રે હો બાને, સુખ જે નોતું સાંભળ્યું કાને;
          દાસ હરિને રે હો વાલે, આપ્યું અચળ સુખ ધરમને લાલે...૪