રૂડા લાગો છો, રાજેન્દ્ર મંદિર મારે આવતા રે

રૂડા લાગો છો, રાજેન્દ્ર મંદિર મારે આવતા રે ...ટેક. જરકસિયો જામો હરિ પહેરી, માથે બાંધી પાઘ સોનેરી; ગૂઢો રેંટો ઓઢી મન લલચાવતા રે ...રૂડા૦ ૧ હૈડે હાર ગુલાબી ફોરે, ચિત્ત મારું રોકી રાખ્યું તોરે; ગજરા કાજુ બાજુ મન મારે ભાવતા રે ...રૂડા૦ ૨ કનક છડી સુંદર કર લઈને, ગજગતિ ચાલો હળવા રહીને; ચિત્તડું ચોરો છો મીઠું મીઠું ગાવતા રે ...રૂડા૦ ૩ પ્રેમાનંદના નાથ વિહારી, જાઉં તારા વદનકમળ પર વારી; હેતે શું બોલાવી તાપ શમાવતા રે ...રૂડા૦ ૪