તારી બાનકની બલિહારી મારા નાથજી રે

તારી બાનકની બલિહારી મારા નાથજી રે		...ટેક.
સુંદર રૂપ કહ્યામાં નાવે, શેષ સહસ્ત્રમુખ પાર ન પાવે;
	કોટિક કામ લજાઈ જોડે હાથજી રે	...તારી૦ ૧
મોહ્યું મન મુખને મરકલડે, ગિરિધરજી ગમિયા છો દલડે;
	ક્ષણુ ન મેલે સાગર તનયા સાથજી રે	...તારી૦ ૨
રૂપ શીલ ગુણ રસના સાગર, તરુણ કિશોર સદા નટનાગર;
	વ્રજવનિતાના પ્રાણજીવન સુખપાથજી રે	...તારી૦ ૩
કરુણારસમય જોવું હસવું, કરુણા કરી જન ઉરમાં વસવું;
	પ્રેમાનંદ નિત્ય ગાવે એ ગુણ ગાથજી રે	...તારી૦ ૪