મૂરખ કોકને શીદ કહીએ રે, મૂરખતા ચડી બેઠી હૈયે રે...ટેક
કોકને કહીએ ને પોતે ન પાળીએ, હાથે હળવા થઈએ;
જાણીએ તોય પાપ કરતા ન બીએ, દોષ બીજાને દઈએ રે...મૂરખ૦ ૧
કોકને કહ્યાનું કામ શું આપણે, માટે મુન્ય થઈ રઈએ;
અલ્પ દોષ દેખે આપણમાં, બીજો કહે તઈએ રે...મૂરખ૦ ૨
જૂઠી પંચાત કરી જગતમાં, સાર શિયો લઈએ;
ગાંડો ઘેલો ને ગોબરો એવા, નામ પાડયાં ફઈએ રે...મૂરખ૦ ૩
દુર્લભ મનુષ્ય દેહ પામીને, ભક્ત એકાંતિક થઈએ;
દાસ હરિના સ્વામીને સેવી, અક્ષરધામમાં જઈએ રે...મૂરખ૦ ૪
રચયિતા :
હરિભાઈ દેસાઈ - ઓલિયા
પુસ્તક :
હરિકીર્તન
ભાવ :
ઉપદેશ
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026