મૂરખ અંતરશત્રુ મોટા રે, નિત કરે મનોરથ ખોટા રે...ટેક
સુખ સંસારના સર્વે છે, તે પાણી તણા પરપોટા;
મળી-ટળી જાય એક પલકમાં, ધુમાડાના ગોટા રે...મૂરખ૦ ૧
ત્રણ તસુના ખેતરમાં છે, દસ વીસ ડાભના ઓટા;
પિંડ પાંદરડાં ખેતરમાં પેઠા, કામ ક્રોધ લોભ કોંટા રે...મૂરખ૦ ૨
પ્રમોદની પિસ્તોલમાં ભરો, તીવ્ર વૈરાગ્ય તોટા;
ચેતી ચતુર નર શીલ સંતોષના, વાળો વજ્રકછોટા રે...મૂરખ૦ ૩
નીમ નિશ્ચયની નાળ્યુંના છોડો, શત્રુ સામા જોટા;
દાસ હરિ કે દુશ્મન ભાગે, કરતા ખેલ ખોટા રે...મૂરખ૦ ૪
રચયિતા :
હરિભાઈ દેસાઈ - ઓલિયા
ભાવ :
ઉપદેશ
પુસ્તક :
હરિકીર્તન
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026