હે જડબુદ્ધિ જીવ, પ્રભુપદને ઇચ્છે તો કર સંતનું પારખું

 હે જડબુદ્ધિ જીવ (૨) પ્રભુપદને ઇચ્છે તો કર સંતનું પારખું;
	રંગ પીત્તપણે (૨) સોનું ને પીતળ ન હોય એકસરખું...ટેક.
હોઈ સંત અનંત ફીરે જગમેં, રહે દામ ચામ જેની દૃગમેં;
	તું ભૂલીશ મા ધોળે ભગમેં...હે જડબુદ્ધિ૦ ૧
અંગે ભસ્મ ઘસે શિર જુટ જટા, ગળે માળ તિલક તન ચટાપટા;
	મહીં કામ ક્રોધ મદ મોહ ઘટા...હે જડબુદ્ધિ૦ ૨
જે મૈથુન અષ્ટ પ્રકારે તજે, નિત્ય સાર અસાર મરમ સમજે;
	ભજ તેને જે હરિ પ્રગટ ભજે...હે જડબુદ્ધિ૦ ૩
જેને કામ ક્રોધ મદ મોહ નહીં, જેની વૃત્તિ બ્રહ્માકાર થઈ;
	કહે બ્રહ્માનંદ સો સંત સહિ...હે જડબુદ્ધિ૦ ૪