મન તું મમતા દે મેલી રે, તૃષ્ણા વેગળી કર વેલી રે...ટેક
મોટો અધિકાર મન તને દીધો, પૂરો ક્લાસ પેલી;
હાજર હુકમમાં સારા ચોકીદાર, ચાકર રહ્યા ટેલી રે...મન૦ ૧
કાયા નગરનો કારભારી થઈ, કાં કર અનર્થ એલી;
રાજનીતિની રીત હૃદિયે ધર, ફોગટ થા મા ફેલી રે...મન૦ ૨
મન મૂરખ કરી ખાલી ખજીનો, વિપત્ત આણી વેલી;
દેખી લે દાળદર દોડીને પેઠું, દરબારની ડેલી રે...મન૦ ૩
ઠાકોર સાહેબને ઠાવકા નાખ્યા, દુ:ખ દરિયે ઠેલી;
દાસ હરિ કે જીવને માથે, કરી જુલમ જેલી રે... મન૦ ૪
રચયિતા :
હરિભાઈ દેસાઈ - ઓલિયા
ભાવ :
ઉપદેશ
પુસ્તક :
હરિકીર્તન
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026