શ્રીજી મહારાજ, માગું એવું આજ

શ્રીજી મહારાજ, માગું એવું આજ;
         મૂર્તિ વિના બીજું મને આપશો મા કાંઈ...ટેક.
દેવું હોય તો દેજો તવસુખ, બીજું ન દેજો કહું મુખો મુખ;
         મારા ટાળો બીજા સુખ, મને આપો બધે દુ:ખ,
         લાગે મૂર્તિ સુખદાય...શ્રીજી૦ ૧
જ્યારે આત્યંતિક લય થાય, તુજ વિના નથી રહેતું કાંય;
         એને પામીને શું કરું, કે જે નથી રહેનારું,
         માટે મળો તમે રાય...શ્રીજી૦ ૨
હવે કહું હું કેટલું પોકારી, દયા ક્યાં ગઈ છે જીવન તમારી;
         દયા લાવી ભગવાન, સુખી કરો આજ જ્ઞાન,
          રાખી તારી મૂર્તિમાંય...શ્રીજી૦ ૩