અતિ રૂપાળી મૂર્તિ મારા શ્યામ રે, તુજ પર જાઉં વારી;

અતિ રૂપાળી મૂર્તિ મારા શ્યામ રે, તુજ પર જાઉં વારી;
          હું તો રટું છું હરિ તારું નામ રે, સુખડું આવે ભારી...ટેક.
મરક મરક તમે હસો છો હરિ,
          લીધાં સર્વેનાં મન હરી રે...તુજ૦ ૧
ધાર્યાં છે શ્રીહરિ શ્વેત વસ્ત્ર તમે,
          શ્વેત તમોને બહુ ગમે રે...તુજ૦ ૨
અવિચળ સુખ આપવામાં તમે શૂરા,
          પ્રેમ દેવામાં પિયુ પૂરા રે...તુજ૦ ૩
આપનાં ચરિત્ર ને આપ કેરી મૂર્તિ,
          જ્ઞાનની રહો એમાં સુરતિ રે...તુજ૦ ૪