પ્યારા પુરુષોત્તમ પરબ્રહ્મ રે, સલૂણી છબી તારી  

પ્યારા પુરુષોત્તમ પરબ્રહ્મ રે, સલૂણી છબી તારી;
         સેવે ચરણ તમારાં અક્ષરબ્રહ્મ રે, પ્રેમે હૃદયે ધારી...ટેક.
અક્ષરધામે સદા આપનો નિવાસ,
          સર્વેનો કરો છો પ્રકાશ રે...સલૂણી૦ ૧
સર્વેના સાક્ષી ને સહુના છો આદિ,
         સર્વનિયંતા છો અનાદિ રે...સલૂણી૦ ૨
સોળે કળાએ શોભિત ચંદ્ર જેવું,
         મુખ શોભે છે તારું એવું રે...સલૂણી૦ ૩
મૂર્તિમાં મન મારું સદા લીન રહો,
         મરજીમાં જ્ઞાન સદા વહો રે..સલૂણી૦ ૪