મોંઘા મોંઘા મારા મહારાજ રે, શોભાએ હદ વાળી;
તમે સર્વેના રાજાધિરાજ રે, મૂર્તિ છો હેતાળી...ટેક.
બ્રહ્મસ્થિતિવાળા મુક્તો જે મોટા,
સેવે તમોને થઈ છોટા રે...શોભાએ૦ ૧
અક્ષરધામના આપ અધિપતિ,
બ્રહ્માંડો તણા છત્રપતિ રે...શોભાએ૦ ૨
સર્વે અવતારોને આપ ધરનારા,
સર્વે જીવોને તારનારા રે...શોભાએ૦ ૩
લીલાધારી તારી લીલા છે ન્યારી,
જ્ઞાનજીવન જાયે વારી રે...શોભાએ૦ ૪
રચયિતા :
જ્ઞાનજીવનદાસજી સ્વામી-કુંડળ
ભાવ :
ધ્યાનના પદો
પુસ્તક :
કીર્તનમાળા-૩
ઉત્પત્તિ:
ઇ.સ.૨૦૦૯, વડતાલ, ગાદીવાળા મેડે આસન
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026