પુરણચંદ્ર સરીખું મુખડું, મંદ મંદ મુજ સામું હસો રે

પુરણચંદ્ર સરીખું મુખડું, મંદ મંદ મુજ સામું હસો રે;
નેણ કેરાં મટકાં ને કર કેરાં લટકાં, કરીને દિલમાં વસો રે...૧
મીઠી મધુરી વાતો કરીને, તુજ સંગ રાત આખી જાગું રે;
તુજ સંગ જીવું ને તુજ સંગ મરું, ડરીને ક્યાંય નવ ભાગું રે...૨
મારું મેં તમને અર્પ્યું છે સર્વે, એક તમારી હું થઈ રે;
તમને જોવા ને માણવા જીવન, કોઈની હું નથી રહી રે...૩
મૂર્તિ તમારી મનમાં મારે, રમ્યા કરે છે દિન-રાત રે;
તુજ સ્વરૂપે હું રમ્યા કરું છું, બીજી ન જાણું કાંઈ વાત રે...૪
જ્ઞાનસખીના સ્વામી હરિવર, આપ્યો અલૌકિક લ્હાવો રે;
તમારો મારા પ્રાણ પિયુ મને, કદી ન આવે અભાવો રે...૫