વાલો રાસ રમે ને રમાડે રે, દાસને આનંદ પમાડે રે;
ક્રિયા કરે કરાવે બહુ રીત રે, પોતામાં કરાવા પ્રીત રે...૧
આશય છે અંતર એવો રે, મારો જ આનંદ દેવો રે;
વાલો લટકાં કરે બહુ પેરે રે, સૌ જનનાં ચિત્ત હેરે રે...૨
જોઈ રમતી સલૂણી મૂરતિ રે, કોઈ ભૂલે ના ઉરથી રે;
પછી જમવા પધારે સ્વામી રે, થાળ જમે બહુનામી રે...૩
બેઠા હોય જે પોતાના દાસ રે, આપે પ્રસાદી ખાસ રે;
જમી ચળું કરી સુખકારી રે, મુખવાસ લે અવિકારી રે...૪
થાળ પ્રસાદી નાથ રખાવે રે, રસોઈવાળાને અપાવે રે;
જ્ઞાનસખીને આનંદ આપે રે, માયાનાં બંધન કાપે રે...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
ધ્યાન
પુસ્તક :
કીર્તનમાળા-૨
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026