જોવા નીલકંઠજીનું રૂપ રે, હાલોને લોજ જઈએ;
આવે ત્યાં તો મોટા મુનિભૂપ રે, હાલોને લોજ જઈએ...૧
અતિ મૂરતિ છે સુખાળી રે, હાલોને લોજ જઈએ;
મરમાળી હેતાળી દયાળી રે, હાલોને લોજ જઈએ...૨
થાય નીલકંઠ જોતાં નેહ રે, હાલોને લોજ જઈએ;
ખરા પ્રેમી ભૂલી જાય દેહ રે, હાલોને લોજ જઈએ...૩
એવા નીલકંઠ બિરાજ્યા લોજ રે, હાલોને લોજ જઈએ;
આપે સૌને કલ્યાણની મોજ રે, હાલોને લોજ જઈએ...૪
હું તો નીલકંઠ નિરખવા જઈશ રે, હાલોને લોજ જઈએ;
જ્ઞાનજીવન કે’ ત્યાં હું રહીશ રે, હાલોને લોજ જઈએ...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
લોજપુર લીલા
પુસ્તક :
કીર્તનમાળા-૩
ઉત્પત્તિ:
સં.૨૦૭૪ અધિક જેઠ વદ-૬, મંગળવાર તા.૫/૦૬/૨૦૧૮, વડોદરા, પૂજામા
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026