જોવા વર્ણીને સહુ સંપ્રદાય રે, હાલોને લોજ જઈએ;
આવે સોરઠમાં લોજપુરમાંય રે, હાલોને લોજ જઈએ...૧
સહુ સંતો બતાવે યોગીરાજ રે, હાલોને લોજ જઈએ;
જોતાં જોગીને થઈ જાય કાજ રે, હાલોને લોજ જઈએ...૨
વાલો મેળવે છે ત્યાં છાણ રે, હાલોને લોજ જઈએ;
તેનાં શું કરે કવિ વખાણ રે, હાલોને લોજ જઈએ...૩
કોઈ અવતારે ને કોઈ ઠામ રે, હાલોને લોજ જઈએ;
નથી કર્યું ક્યાંય લોજ જેવું કામ રે, હાલોને લોજ જઈએ...૪
જ્ઞાનજીવન કે’ પોદળાની માંય રે, હાલોને લોજ જઈએ;
હરિ દેખાડે બ્રહ્માંડ ત્યાંય રે, હાલોને લોજ જઈએ...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
લોજપુર લીલા
પુસ્તક :
કીર્તનમાળા-૩
ઉત્પત્તિ:
સં.૨૦૭૪ અધિક જેઠ વદ-૬, મંગળવાર તા.૫/૦૬/૨૦૧૮, વડોદરા, પૂજામાં
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026