તિયાં મળશે પ્રગટ અવતારી રે, હાલોને લોજ જઈએ;
બહુ તારશે નર ને નારી રે, હાલોને લોજ જઈએ...૧
આજ ભાગ્ય જાગ્યા છે અપાર રે, હાલોને લોજ જઈએ;
કળી કાળમાં મોક્ષ થનાર રે, હાલોને લોજ જઈએ...૨
કોઈ લગાડશો નહિ વાર રે, હાલોને લોજ જઈએ;
કરવા સફળ નિજ અવતાર રે, હાલોને લોજ જઈએ...૩
આવું ક્યાંથી મળે કોઈ ટાણું રે, હાલોને લોજ જઈએ;
મળે નહિ ખરચતાં નાણું રે, હાલોને લોજ જઈએ...૪
જ્ઞાન કહે જાગ્યાં સૌનાં ભાગ્ય રે, હાલોને લોજ જઈએ;
આજ કલ્યાણ કર્યાનો આવ્યો લાગ્ય રે, હાલોને લોજ જઈએ...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
લોજપુર લીલા
પુસ્તક :
કીર્તનમાળા-૩
ઉત્પત્તિ:
સં.૨૦૭૪ અધિક જેઠ વદ-૬, મંગળવાર તા.૫/૦૬/૨૦૧૮, વડોદરા, પૂજામાં
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026